Құрметті Олжас Алтынбекұлы!
Жамбыл облысының әкімдігінің Энергетика және тұрғын үй-коммуналдық шаруашылық басқармасы, сіздің 2018 жылдың 28-ші тамызындағы нөмері 58-ші хатыңыз бойынша төмендегіні мәлімдейді:
Тараз қаласындағы Шөлдала тұрғын алқабына (Құмшағал, Көлтоған, Қызыд-Абад, Шөлдала шағын аудандары) газ келтіретін құбыр салуға 2017 жылы республикалық бюджеттен 623,9 млн. теңге, облыстық бюджеттен 61,3 млн. теңге, барлығы 685,2 млн. теңге бөлінді. Мердігер «Монолит-Дизайн» ЖШС құрылыс-монтаж жұмыстарын 2017 жылғы 1 сәуіре бастап 2017 жылғы 31 шілдеде аяқтады. Газ құбырының ұзындығы 24,355 шм. Шөлдала тұрғын алқабының көше аралық газ тартатын құбырының құрылысына жобалық-сметалық құжаттаманы әзірлеуге 2018 жылы қалалық бюджеттен 9,0 млн. теңге бөлініп, қазіргі таңда алғашқы деректер жинақталуда.
Жобаның жобалық-сметалық құжаттамасы және мемлекеттік сараптаманың оң қорытындысы алынғаннан кейін, құрылыс жұмыстарына бюджеттік өтінім республикалық бюджетке тапсырылатын болады.
«Шөлдала» тұрғын алқабында орналасқан 28 саяжай тұрғындары тұтынатын электр энергиясын заңды тұлғаларға арналған тарифпен (1 кВт/сағатқа ҚҚС-сыз 19,89 теңге) энергия жабдықтаушы мекемеге төлеуде.
Себебі, Қазақстан Республикасының «Тұтыну кооперативі туралы» Заңының (әрі қарай – Заң) 6-бабының 1-тармағына сәйкес, тұтыну кооперативтері заңды тұлға болып табылады.

Жамбыл облысының әкімдігінің
Энергетика және тұрғын үй-коммуналдық
шаруашылық басқарма басшысының орынбасары Қ.Қорғанбаев

Құрметті Асхат Олжабаев !

«Жамбыл облысы әкімдігінің ішкі саясат басқарамасы» КММ «Интернет-қабылдау» сайтының жұмысын ұйымдастыру және жүргізу» атты әлеуметтік жоба аясында «Жамбыл облысы жастар ұйымдарының Қауымдастығы» заңды тұлғалар бірлестігі J-RECEPTION.KZ қабылдау желісі жұмысын бастады. Сіздің сауалыңыз Тараз қаласы бойынша мемлекеттік кірістер басқармасының басшысы К.Есембековке жолданды, сұрағыңызды қабылдады.
Ізгі ниетпен: «Жамбыл облысы жастар ұйымдарының Қауымдастығы» заңды тұлғалар бірлестігі

Жауап: Тараз қаласы бойынша Мемлекеттік кірістер басқармасы, Сіздің 2018 жылдың 27-ші тамызындағы нөмері ЗТ-Д-75/55-ші хатыңыз бойынша төмендегіні мәлімдейді:Төлем көзінен ұсталатын табыс салығы және әлеуметтік салық Қазақстан Республикасының «Салық және бюджетке төленетін басқа да міндетті төлемдер туралы» Салық Кодексінің ( әрі қарай Салық кодексі) 358-ші бабының 1-ші тармағына сәйкес жеке табыс салығы және әлеуметтік салық бойынша декларацияны тоқсан сайын салық агентінің тұрған жеріндегі салық органдарына есепті кезеңнен кейінгі екінші айдың 15-күнінен кешіктірмей тапсырады (200.00 нысан) Салық кодексінің 357-ші бабына сәйкес салық агенттері төлем көзінен салық салуға жататын кірістерден жеке табыс салығын есептеу үшін күнтiзбелiк ай салықтық кезең болып табылады. Салық кодексінің 353-ші бабына сәйкес жеке табыс салығын ұстап қалуды салық агентi төлем көзiнен салық салуға жататын кірісті төлеу күнінен кешiктiрмей жүргізедi. Салық агентi төленген кірістер бойынша жеке табыс салығын аударуды кіріс төлеу жүзеге асырылған ай аяқталғаннан кейін күнтізбелік жиырма бес күннен кешіктірмей өзiнің тұрған жерi бойынша жүзеге асырады. Салық кодексінің 320-ші бабының 1-ші тармағына сәйкес салық төлеушiнiң кірістеріне 10 пайыз мөлшерлеме бойынша салық салынады. 2018 жылдың 1-ші қаңтарынан бастап салық кодексінің 485-ші бабының 1-ші тармағына сәйкес әлеуметтік салықтың ставкасы 11 пайыздан 9,5 пайызға дейін төмендетіліп өзгертілді. Салық кодексінің 486-ші бабының 1-ші тармағына сәйкес бюджетке төлеуге жататын әлеуметтік салық сомасы есептелген әлеуметтік салық пен «Міндетті әлеуметтік сақтандыру туралы» Қазақстан Республикасының Заңына сәйкес есептелген әлеуметтік аударымдардың сомасы арасындағы айырма ретінде айқындалады. Салық кодексінің 487-ші бабының 1-ші тармағына сәйкес әлеуметтiк салықты төлеу салық төлеушiнiң орналасқан жерi бойынша салықтық кезеңнен кейiнгi айдың 25-күнінен кешiктiрілмей жүргiзiледi. Корпоративтік табыс салығын төлеу мерзiмдерi мен тәртiбi Мемлекеттік мекемелерді және орта білім беретін мемлекеттік оқу орындарын қоспағанда, Қазақстан Республикасының резидент-заңды тұлғалары, сондай-ақ Қазақстан Республикасында қызметті тұрақты мекеме арқылы жүзеге асыратын немесе Қазақстан Республикасындағы көздерден кіріс алатын бейрезидент-заңды тұлғалар корпоративтік табыс салығын төлеушілер болып табылады. Салық төлеушiлер Салық Кодексінің 302-бабына сәйкес есептелген корпоративтік табыс салығын төлеудi тұрған жерi бойынша жүзеге асырады. Салық кодексінің 305-бабының 1-тармағында көрсетілген салық төлеушiлер корпоративтік табыс салығы бойынша аванстық төлемдердi бюджетке Салық кодексінің 314-бабында белгiленген салықтық кезең iшiнде, Салық Кодекстiң 305-бабына сәйкес айқындалған мөлшерде, әрбір айдың 25-інен кешiктiрмей әрбір ай үшін енгізуге мiндеттi. Салықтық кезең iшiнде бюджетке енгiзiлген аванстық төлемдердің сомасы есепті салықтық кезең үшiн корпоративтік табыс салығы жөнiндегi декларация бойынша есептелген корпоративтік табыс салығын төлеу есебiне есепке жатқызылады. Салық төлеушi салықтық кезеңнің қорытындылары бойынша корпоративтік табыс салығы бойынша төлеудi декларация тапсыру үшiн белгiленген мерзiмнен кейiн күнтізбелік он күннен кешiктiрмей жүзеге асырады. Корпоративтік табыс салығы үшiн 1 қаңтар – 31 желтоқсан аралығындағы күнтізбелік жыл салықтық кезең болып табылады. Егер заңды тұлға күнтiзбелiк жыл басталғаннан кейiн құрылған болса, құрылған күнiнен бастап күнтiзбелiк жылдың соңына дейiнгi уақыт кезеңi ол үшiн бiрiншi салықтық кезең болып табылады. Бұл ретте заңды тұлғаның әділет органында мемлекеттік тiркелген күнi оның құрылған күнi болып есептеледі. Салық декларациясы Қазақстан Республикасындағы көздерден тек қана төлем көзiнен салық салуға жататын кірістер алатын және Қазақстан Республикасында қызметiн тұрақты мекеме арқылы жүзеге асырмайтын бейрезиденттi қоспағанда, корпоративтік табыс салығын төлеушi, егер осы бапта өзгеше белгіленбесе, тұрған жеріндегі салық органына корпоративтік табыс салығы бойынша декларацияны есептi салықтық кезеңнен кейiнгi жылдың 31 наурызынан кешiктiрмей тапсырады. Егер осы баптың 2-тармағында өзгеше белгіленбесе, салық төлеушiнiң осы Кодекстiң 288-бабында көзделген кірістер мен шығыстар сомасына және осы Кодекстiң 300-бабында айқындалған тәртiппен ауыстырылатын залалдар сомасына азайтылған салық салынатын кірісіне 20 пайыз мөлшерлеме бойынша салық салуға жатады. Тараз қаласы бойынша МКБ басшы орынбасары А.Алишев орынд. Самбетова А.. Тел:87262-43-24-91